یانه‌ی‌ به‌رشه‌لۆنه‌ له‌پێگه‌ی‌ تایبه‌تی‌ خۆی‌ له‌سه‌ر تۆری‌ ئینته‌رنێت بڵاویكرده‌وه‌: به‌هۆی‌ ئه‌و پێكانه‌ی‌ له‌كاتی‌ مه‌شق و راهێنانی‌ یانه‌كه‌ی‌ دووچاری‌ هات، دانیال ئه‌لڤێزی‌ به‌رازیلی‌ و یاریزانی‌ یانه‌كه‌ بۆ ماوه‌ی‌ سێ‌ هه‌فته‌ له‌یاریگاكان دوورده‌كه‌وێته‌وه‌، به‌مه‌ش ناوبراو به‌شداری‌ دوو یاری‌ داهاتووی‌ یانه‌كه‌ی‌ به‌رامبه‌ر یانه‌كانی‌ ئه‌تله‌تیكۆ مه‌درید و رایسینگ سانتاندێر له‌خولی‌ لالیگا ناكات. جگه‌ له‌وه‌ش بێبه‌ش ده‌بێت له‌به‌شداریكردنی‌ یاری‌ نێوان یانه‌كه‌ی‌ و یانه‌ی‌ شتوتگارتی‌ ئه‌ڵمانی‌ له‌خولی‌ یانه‌ پاڵه‌وانه‌كانی‌ ئه‌وروپا، كه‌ بڕیاره‌ له‌رۆژی‌ 23ی‌ ئه‌م مانگه‌دا به‌رێوه‌بچێت.