ئه‌یاد سامه‌رائی سه‌رۆكی‌ په‌رله‌مانی‌ عیراق رایگه‌یاند: پێوسته‌ لیژنه‌ په‌یوه‌ندیداره‌كانی‌ په‌رله‌مان وه‌فدێكی‌ په‌رله‌مانیی پێكبهێنن بۆ سه‌ردانییكردنی‌ مالیزیا  به‌مه‌به‌ستی‌ گێرانه‌وه‌ی‌ په‌رله‌مانتار (محمد داینی‌) كه‌ به‌ تاوانی‌ ته‌قینه‌وه‌كه‌ی‌ ناو هۆڵی‌ په‌رله‌مانی‌ عیراق به‌ حوكمی‌ له‌ سێداره‌دان به‌ بێ‌ ئاماده‌بوونی‌ خۆی‌ سزادرا. وتیشی‌: حكومه‌تی‌ مالیزیا داواكه‌ی‌ حكومه‌تی‌ عیراقی‌ ره‌تكرده‌وه‌  به‌ بیانوی‌  ئه‌وه‌ ی‌ (محمد داینی‌)په‌رله‌مانتاره‌و ناكرێـت ته‌سلیم حكومه‌ت بكرێته‌وه‌ بۆیه‌ پێویسته‌ لیژنه‌یه‌كی‌ په‌رله‌مانیی پێكبهێنرێت بۆ داواكردن بۆ ته‌سلیمكردنه‌وه‌ی‌ ئه‌و په‌رله‌مانتاره‌. پاش تۆمه‌تباركردنی‌ به‌ تێوه‌گلانی‌  ته‌قینه‌وه‌كه‌ی‌ ناو هۆڵی‌ په‌رله‌مانی‌ عیراق , محمد داینی‌ به‌ره‌و مالیزیا هه‌ڵهات و له‌سه‌ر داوای‌ عیراق له‌و ولاَته‌ ده‌ستبه‌سه‌ركراوه‌.