محه‌مه‌د حاج حمود بریكاری‌ وه‌زاره‌تی‌ ده‌ره‌وه‌ی‌ عیراق و سه‌رۆكی‌ لیژنه‌ی‌ بالاَی‌ بۆ دیاری‌ كردنی‌ سنور رایگه‌یاند: لیژنه‌كه‌یان گروپێكی‌ له‌ پسپۆرانی‌ چه‌ند وه‌زاره‌تێكی‌ عیراقی‌ پێكهیًنا بۆ جارێكی‌ تر دیاری‌ كردنی‌ سنوره‌ وشكانی‌ و ده‌ریاییه‌كانی‌ نێوان عیراق و ئێران و بۆ ئه‌و مه‌سته‌ سه‌ردانی‌ ئێرانیان كردو له‌گه‌ڵ لایه‌نه‌ په‌یوه‌ندیداره‌كانی‌ ئه‌و ولاَته‌ كۆبونه‌وه‌. وتیشی‌: وتوێژه‌كانی‌ نێوان هه‌ردوولا سه‌ركه‌وتوو بوه‌و بریاره‌ له‌ هه‌فته‌ی‌ داهاتووه‌وه‌ ده‌ست بكه‌ن به‌ دانانی‌ هێمای‌ جیاكه‌ره‌وه‌ له‌سه‌ر سنوره‌كان. سه‌باره‌ت به‌و سنورانه‌ی‌ كه‌ له‌ میانی‌ رێكه‌وتننامه‌ی‌ جه‌زائیری‌ ساڵی‌ 1975 دا ئیمزا كراوه‌ (محه‌مه‌د حاج حمود )وتی‌: له‌ وتوێژه‌كاندا به‌هیچ جۆرێك باسی‌ ئه‌و رێكه‌وتننامه‌یه‌ نه‌كراوه‌.